დიმიტრი ანთაძემ (დ. 1963) 1888 წელს დაამთავრა თბილისის სახელმწიფო სამხატვრო აკადემია.საქართველოსათვის რთულ 90-იან წლებში ახალგაზრდა მხატვარი განგებამ იაპონიასთან დააკავშირა. იღბლიანი შემთხვევითობა ნაყოფიერი გამოდგა პროფესიული გამოცდილების გაღრმავების გზაზე. იაპონური კულტურა საოცრად ახლობელი აღმოჩნდა დიმა ანთაძესთვის, მისმა შემოქმედებამ სრულიად ახლებურიგამომსახველობა შეიძინა და წარმატებაც ხვდა წილად-მხატვრის 9 პერსონალური გამოფენა შედგა იაპონიაში. დიმა ანთაძის მხატვრულ სამყაროში მთავარი თემა ზღაპარია. მხატვრის თქმით, ზღაპარი თავად საოცრებაა, უპირველესად თავის წარმოშობით, ყოვლისმომცველობით… და რაც მთავარია ზღაპარი ადამიანს აღქმის თავისუფლებას ანიჭებს. „მხატვრობა ჩემთვის არაჩვეულებრივი განცდაა. ის რელური ცხოვრების პარალელური სამყაროა, სადაც სივრცის, ფერის და ხაზის საშუალებით მხატვარი ცდილობს აღმოაჩინოს ან გამოხატოს საკუთარი თავი“- დიმა ანთაძე.