რეზო (ემელიანე) ადამია დაიბადა საქართველოში ქალაქ სენაკში 1938 წლის 21 თებერვალს. 1970 წელს დაამთავრა თბილისის სახელმწიფო სამხატვრო აკადემიის ფერწერის ფაკულტეტი. 1969-1971 წლებში მუშაობდა თბილისის 50-ე საშუალო სკოლის ხატვის მასწავლებლად; 1974-1988 წლებში საქართველოს ხელოვნების სახელმწიფო მუზეუმის რესტავრატორად, მეცნიერ-თანამშრომლად. გამოფენებში მონაწილეობს 1966 წლიდან. მისი ფერწერის მთავარი მოტივებია საქართველოს სხვადსხვა კუთხის პეიზაჟები, ჟანრული სურათები ხელოვნების მოღვაწეთა და მწერალთა პორტრეტები, ასევე ქმნიდა ხატებს. 90იანი წლებიდან მოყოლებლი მას ჰქონდა პერსონალური გამოფენები როგორც საქართველოში, ისე მის ფარგლებს გარეთ: საფრანგეთში , აზერბაიჯანში, იაპონიაში, ინგლისში, პოლონეთში, რუსეთში, სომხეთში. პარიზში გაიმართა ორი პერსონალური გამოფენა 2005-2006 წლებში. რ. ადამია ხელმძღვანელობდა სენაკის მაცხოვრის და მარტვილის ღვთისმშობლის სახელობის ეკლესიების აღდგენა- რესტავრაციას, აგრეთვე ნოქალაქევის ორმოც მოწამეთა ეკლესიის რესტავრაციას. იყო საქართველოს მხატვართა კავშირის წევრი 1980 წლიდან, აგრეთვე – საქართველოს მხატვართა კავშირის სენაკის განყოფილების ხელმძღვანელი; ქ. დიჟონის საერთაშორისო გამოფენის საპატიო დიპლომის მფლობელი (1997).