Skip to content Skip to footer

დარჩიაშვილი თამარ (თათია)

თამარ (თათია) დარჩიაშვილი დაიბადა 1972 წელს თბილისში. 1996 წელს დაამთავრა თბილისის სახელმწიფო სამხატვრო აკადემია, დაზგური გრაფიკის ფაკულტეტი, ილუსტრაციის მიმართულება. მუშაობდა ა. ქუთა-თელაძის სახელობის შემოქმედებით სახელოსნოში გოგი წერეთლის ხელმძღვანელობით. შემდეგ კი სტაჟირება გაიარა  ს. ქობულაძის სახელობის გრავირების სახელოსნოში. მისი შემოქმედების სფერო მოიცავს გრაფიკას, ფერწერას, ინსტალაციას, საიუველირო დიზაინსა და მინანქრის ხელოვნებას. როგორც თავად ამბობს, მისი პერსონაჟები სიცოცხლისა და ურთიერთობის სიმყიფეზე, საკუთარ თავში ჩაღრმავებასა და კვლევის აუცილებლობაზე, დაპირისპირებებსა და კონტრასტებზე და სხვა ცხოვრებისეულ საკითხებზე ყვებიან. მისი პერსონალური თუ ჯგუფური გამოფენები იმართება როგორც საქართველოში, ისე საზღვარგარეთ (გერმანია, იაპონია, რუსეთი, საფრანგეთი, ესპანეთი, ნიდერლანდები).

თამარ (თათია) დარჩიაშვილი
დაბადების თარიღი1972Share

© 2024. ALL RIGHTS RESERVED.