ჯუმბერ ხუხუნაიშვილი – ინტერიერისა და ავეჯის დიზაინერი, ლითონის მხატვრული დამუშავების ოსტატი, გრაფიკოსი, პედაგოგი.
სწავლობდა არქიტექტურის ფაკულტეტზე საქართველოს პოლიტექნიკურ ინსტიტუტსა (1953-59) და თბილისის სახელმწიფო სამხატვრო აკადემიაში (1959-62). მისი პედაგოგები იყვნენ ივანე ჩხენკელი, ალექსანდრე ქურდიანი.
ჭედურობის დარგში აღსანიშნავია მისი ნამუშევრები: ცხენები, ოთხი ჯიხვი (1965), ლომები, ვეფხვი და მზე (1967). ხელოვანის ნამუშევრები დაცულია საქართველოს ეროვნულ გალერეაში, რუსეთის, ბელგიის, გერმანიის, ჩინეთის კერძო კოლექციებში.