ქეთევან მატაბელმა  1978 წელს დაამთავრა თბილისის სახელმწიფო სამხატვრო აკადემიის ფერწერის ფაკულტეტი. ის ფერწერული და გრაფიკული ნამუშევრების, კოლაჟებისა და ასამბლაჟების ავტორია.  მხატვრის
მიერ შექმნილი ფოლიანტები,  სხვადასხვა მასალით     დატვირთული კოლაჟები,  წიგნის ილუსტრაციები ხელოვანის ნდივიდუალური ხელწერითაა აღბეჭდილი. ქეთევან მატაბელის ცნობილი ფერწერული სერია „ძველი თბილისი“ 1984 წელს შეიქმნა. მხატვრის შემოქმედებაში განსაკუთრებული მნიშვნელობისაა ილუსტრაციები
„ვეფხისტყაოსნისათვის“, რომელზეც მუშაობა მან 2009 წელს დაიწყო. 2014 წელს კი მხატვრის მიერ დასურათებული „ვეფხისტყაოსანი“ ებრაულ ენაზეც გამოიცა. ქეთევან მატაბელმა თავის სტუდენტებთან ერთად საქართველოში პირველად მოაწყო გამოფენა ბრაილის ანბანის გამოყენებით, სადაც ობიექტებზე შეხებით ხდება სამყაროს აღქმა და შეგრძნება მხედველობა დაქვეითებულთა ან სრულიად უსინათლო ადამიანებისთვის.