თუთუ კილაძე 1981 წელს დაბადებული ქართველი მხატვარია, რომელიც ცხოვრობს და მუშაობს საქართველოში. 2005 წელს დაამთავრა თბილისის სახელმწიფო სამხატვრო აკადემია. თუთუ კილაძე თანამედროვე მხატვართა ჯგუფს მიეკუთვნება, რომელთა ინტერესს ნაივური ხედვისადმი სწრაფვა და გამომსახველობითი ფორმების სიმარტივე წარმოადგენს.
ის მონაწილეობს ხელოვნების ბაზრობებსა და გამოფენებში მთელს მსოფლიოში, როგორიცაა Viennafair ავსტრიაში, TAF (Tbilisi Art Fair) საქართველოში ან Jerusalem Plein Air ისრაელში. მისი ნამუშევრები ინახება კერძო კოლექციებში საქართველოში, საფრანგეთში, ისრაელში, ინგლისში, ავსტრიაში, გერმანიასა და დანიაში.
