Skip to content Skip to footer

იაკოვლევ ვლადიმერი

ვლადიმერ იაკოვლევი (1934-1998) – მოსკოველი მხატვარი, საბჭოთა ანდერგრაუნდის ერთ-ერთი განსაკუთრებით ნიჭიერი და ორიგინალური წარმომადგენელი. თავდაპირველად, განიცდიდა ჯექსონ პოლოკისა და პიკასოს გავლენას, შემდეგ მუშაობდა „ახალი ფიგურატიულობის“ სტილისტიკით. არაოფიციალურ ხელოვანთა წრეშიც კი მისი პიროვნება და შემოქმედება გამორჩეული იყო სამყაროს განსაკუთრებულად მწვავე და ტრაგიკული აღქმით, რასაც ამძაფრებდა მხატვრის შიზოფრენიით დაავადება. მუშაობდა, ძირითადად, გუაშის ტექნიკით. მისი ყოველი ნამუშევარი, პეიზაჟი თუ ნატურმორტი თავად მხატვრის ავტოპორტრეტია. განსაკუთრებით გამორჩეულია მხატვრისეული ყვავილები, რომლებიც სიმბოლურად გამოხატავს საბჭოთა სივრცეში ადამიანის ყოფის ტრაგედიას, მარტოსულობას. მისი ნამუშევრები ინახება მსოფლიოს სხვადასხვა მუზეუმში, ხშირად მონაწილეობდა ევროპისა და ამერიკის სააუქციონო სახლების თანამედროვე ხელოვნების გაყიდვებში. 2023 წელს საქართველოს ეროვნულმა მუზეუმმა შეისყიდა მისი სურათები.

ვლადიმერ იაკოვლევი
დაბადების/ გარდაცვალების თარიღი1934-1998Share

© 2024. ALL RIGHTS RESERVED.