ალბერტ დილბარიანი დაიბადა 1928 წელს თბილისში. 1946-1952 წლებში სწავლობდა თბილისის სახელმწიფო სამხატვრო აკადემიაში ფერწერის მიმართულებით. აქტიურად მონაწილეობდა გამოფენებში საქართველოსა და საზღვარგარეთ. 1963 წელს მისი ნამუშევრები გამოფენილი იყო პარიზში. ალბერტ დილბარიანის შემოქმედება მოიცავს პორტრეტებს, ნატურმორტებს პეიზაჟურ და ჟანრული ხასიათის ნამუშევრებს, რომლებიც გამოირჩევა ორიგინალური სიუჟეტური კომპოზიციებით, ფერწერული ფაქტურით და თემის ემოციური გააზრებით. 1967 წელს მიიღო საქართველოს დამსახურებული მხატვრის წოდება. ალბერტ დილბარიანის ნამუშევრები ინახება მუზეუმებში: საქართველოს ხელოვნების ეროვნული მუზეუმი, თბილისი; თანამედროვე ხელოვნების მუზეუმი, ერევანი, სომხეთი; ეროვნული გალერეა, თბილისი, საქართველო; აღმოსავლური ხელოვნების მუზეუმი, მოსკოვი, რუსეთი; ნიუ-ჯერსის ხელოვნების მუზეუმი, აშშ. ასევე კერძო კოლექციებში საქართველოსა და უცხოეთში.
