თეა გვეტაძე დაიბადა 1971 წელს რიგაში. 1988-1993 წლებში სწავლობს თბილისის სამხატვრო აკადემიაში, რის შემდეგაც განათლების მიღებას განაგრძობს გერიტ რიტველდის აკადემიაში. (ამსტერდამი, ჰოლანდია) 1994-2001 წლებში სწავლობს დიუსელდორფის სახელმწიფო ხელოვნების აკადემიაში, გერმანიაში. ამჟამად, ხელოვანი ცხოვრობს და მუშაობს თბილისში.

თეა გვეტაძე სხვადასხვა მედიაში ქმნის ნამუშევრებს, თუმცა მის შემოქმედებაში მთავარი მედიუმი ფერწერა და ნახატი ობიექტია. ხელოვანი ასევე იკვლევს სივრცეს და სპეციფიკურად მუშაობს ობიექტებზე. თეა გვეტაძე ფერწერის მედიუმით ამკვიდრებს თანამედროვეობის სიმბოლიზმს, რომელიც თავის მხრივ ქართული იდენტობის სპეციფიკას ეფუძნება. სიმბოლო, მითი და ალეგორია თეას ნამუშვერებში გრძნობად-ემოციურ საწყისებს გამოხატავს.

წყარო: https://geoartistsabroad.tsu.ge/