მიხეილ ბილანიშვილი ქართველი მოდერნისტი მხატვარების წრეს მიეკუთვნება. მისი მშობლები იყვნენ არმიის პოლკოვნიკის იოსებ ბილანიშვილი და მისი მეუღლე ეკატერინე თარხნიშვილი. მიხეილი, უფროსი და-ძმის სოსოსა და და ნინოს მსგავსად, სწავლობდა თბილისის სამხატვრო აკადემიაში ჯერ გიგო გაბაშვილთან, შემდეგ კი მოქანდაკე იაკობ ნიკოლაძესთან. შესაძლოა ის ასევე სწავლობდა ევგენი ლანსერეს კლასში, რომელიც ხშირად სტუმრობდა ტფილისს 1920 წლიდან 1934 წლამდე. სწავლის დასრულების შემდეგ მიხეილმა დაიწყო ხატვის სწავლება ტფილისის მამაკაცთა საშუალო სკოლაში. 1924 წელს მიღებული გრანტის წყალობით ახალგაზრდა მხატვარი ჩავიდა პარიზში, სადაც შეუერთდა ქართველ მხატვართა ჯგუფს. 1927 წლის დასაწყისში ბილანიშვილმა დავით კაკაბაძესთან და ელენე ახვლედიანთან ერთად მონაწილეობა მიიღო დამოუკიდებელი მხატვრების Salon des Independants 38-ე გამოფენაში. მისმა ნამუშევრებმა პარიზელი არტ- კრიტიკოსების მაღალი შეფასება დაიმსახურა. ყოველდღიური სახსრების მოსაპოვებლად იგი მუშაობდა პარიზის ერთ-ერთ ქიმიურ ქარხანაში. მალევე დაავადდა ტუბერკულოზით. მისი მეგობარი ლუკას ჩითარიშვილი დაეხმარა მას ნახატების გაყიდვაში და  სამკურნალოდ სანატორიუმში მოაწყო. იქ გაიცნო ქართველი მედდა ბაბა ჯავრიშვილი, რომელიც ბოლომდე მისი ერთგული დარჩა. გარდაიცვალა პარიზში 1934 წელს.