ბუბა არაბულმა დაამთავრა იაკობ ნიკოლაძის სახელობის სამხატვრო სასწავლებელი 1990 წელს; თბილისის სახელმწიფო სამხატვრო აკადემიის ფერწერის ფაკულტეტი 1996 წელს.
მხატვრის შემოქმედების ერთ-ერთი მთავარი პერსონაჟი ქალია. ნაზი პასტელური ტონებით შექმნილ კოლორიტში, გამჭვირვალე ჰაეროვანი ფიგურები ერთიან დეკორატიულ ზედაპირს ქმნიან. ზოგჯერ შერეულ ტექნიკას იყენებს და ნამუშევრის სხვადასხვა ნაწილს სხვადასხვა ფაქტურით გამოარჩევს. მხატვრის პერსონული გამოფენები გაიმართა: თბილისის მერიაში (1996), თანამედროვე ხელოვნების გალერეაში (თბილისი, 2003), მწერალთა სახლში (თბილისი, 2014), გალერეა “სილქში” (თბილისი, 2020), ქართულ-ებრაული ისტორიის მუზეუმში (თბილისი, 2023). მონაწილეობა აქვს მიღებული არაერთ ჯგუფურ გამოფენაში საქართველოსა და მის ფარგლებს გარეთ: “ცისფერი გალერეა” (თბილისი, 2001), სამხატვრო აკადემიის 80 წლისთავისადმი მიძღვნილი გამოფენა, ეროვნულ გალერეაში (თბილისი, 2002), გალერეა “არტ სფეისი” (თბილისი, 2012), ქართველი მხატვრების გამოფენა “ფიროსმანიდან დღემდე” (გეოლოგიის მუზეუმი, მოსკოვი, რუსეთი, 2016); ქართული კულტურის სახლი (კაუნასი, ლიტვა, 2016), გალერეა “არკა” (ვილნიუსი, ლიტვა, 2017), ქართველი მხატვრების გამოფენა “შეიგრძენი” (გეოლოგიის მუზეუმი, მოსკოვი, რუსეთი, 2018), თანამედროვე ხელოვნების გალერეა “სფუმატო” (თბილისი, 2018). მხატვრის ნამუშევრები ინახება: საქართველოს, რუსეთის, გერმანიის, საფრანგეთის, ესპანეთის, ბელგიის, ლიტვისა და შეერთებული შტატების კერძო კოლექციებში.