თემო ჯავახის პერსონალური გამოფენა „გონის თამაშები“
4 სექტემბერი 18:00 - 4 ოქტომბერი 18:00
თემო ჯავახის პერსონალური გამოფენა "გონის თამაშები"
2026 წლის 4 სექტემბერს,18:00 საათზე, დიმიტრი შევარდნაძის სახელობის ეროვნულ გალერეაში გაიხსნება თემო ჯავახის პერსონალური გამოფენა “გონის თამაშები”, რომელიც მხატვრის 75 წლის საიუბილეო თარიღს ეძღვნება.
გამოფენა აერთიანებს მხატვრის 48 წლიანი შემოქმედებითი ცხოვრების განმავლობაში სხვადასხვა მედიუმში შექმნილ ნამუშევრებს. ისინი ასახავს ავტორის ინტერესს საგნების, სიტყვების, ნიშნებისა და მნიშვნელობების გადააზრების მიმართ, რომლებსაც ყოველდღიურ ცხოვრებაში ხშირად ერთგანზომილებიან და უცვლელ მოცემულობად მივიჩნევთ.
გამოფენის კონცეფცია ეფუძნება ადამიანის თანდაყოლილ სწრაფვას, შეიმეცნოს და გამოიკვლიოს გარემომცველი სამყარო. ეს პროცესი ბავშვობიდან იწყება, სიცოცხლის განმავლობაში უწყვეტად გრძელდება და აყალიბებს აღქმის, ემოციისა და გამოცდილების მრავალშრიან სისტემას. სწორედ ასეთი შემეცნების დინამიკას იკვლევს თემო ჯავახი, რასაც გონების თამაშის მეტაფორით წარმოაჩენს. გამოფენა მაყურებელს აღქმის იმ შინაგან მექანიზმებზე დაფიქრებას სთავაზობს, რომელიც განსაზღვრავს, თუ როგორ ვხედავთ, ვკითხულობთ და ვიაზრებთ რეალობას.
გამოფენის მხარდამჭერია კულტურის სამინისტრო და შემოქმედებითი საქართველო.
გამოფენა გრძელდება 2026 წლის 4 ოქტომბრის ჩათვლით.