ოთარ ვეფხვაძე დაიბადა ქალაქ ბორჯომში (საქართველო). მან დაამთავრა თბილისის სახელმწიფო სამხატვრო აკადემიის დეკორატიული გამოყენებითი ხელოვნების ფაკულტეტი (1975).  სხვადასხვა წლებში ის იყო თბილისის სახელმწიფო სამხატვრო აკადემიის პედაგოგი (1990-1992); ფენიქსის სამხატვრო უნივერსიტეტის (არიზონის შტატი, აშშ) პედაგოგი (1991).  ოთარ ვეფხვაძე არის ავტორი ნამუშევრებისა: “გაზაფხული” (1978), “ჰელლადოს” (1986), “გელათი” (პიკასოს ვერცხლის მედალი ვალორისის კონკურსზე, 1981), დეკორატიული ლარნაკი (პრიზი ინტერიერისთვის განკუთვნილი საუკეთესო კერამიკისთვის, ერფრუტი 1982), “უკვდავება” (1984). მან შეასრულა კერამიკული ნაწარმოებები სასტუმრო “გუდაურისთვის” (გუდაური, 1986); მონაწილეობდა მოსკოვის მეტროსადგურ “პეტროვსკო-რაზუმოვსკის” გაფორმებაში (1989) და სხვა. ის იყო დამდგმელი მხატვარი ფილმებისა “მაცგი” (1986), “ხვეული კიბით” (2000). 

მისი ნამუშევრები დაცულია: საქართველოს ეროვნულ გალერეაში, ხელოვნების სახელმწიფო მუზეუმში, აღმოსავლეთის ხალხთა ხელოვნების მუზეუმში (მოსკოვი), ბუდაპეშტის სახვითი ხელოვნების მუზეუმში, “ექსპრეს-ავანგარდ გალერეაში” (მოსკოვი) და სხვა.