1974 წელს დაამთავრა თბილისის სამხატვრო აკადემიის გრაფიკის განყოფილება. 1977-1978 წწ. მუშაობდა თბილისის სახელმწიფო სამხატვრო აკადემიაში; არის გამოჩენილი ქართველი მხატვრის სერგო ქობულაძის მოწაფე, რომლის სახელოსნოში ემზადებოდა და წლების მანზილზე მუშაობდა. 1978 წლიდან დღემდე ასწავლის სახვით ხელოვნებას თბილისის სახელმწიფო უნივერსიტეტში; მუშაობს ფერწერისა და გრაფიკის სხვადასხვა ჟანრში: პორტრეტი, ნატურმორტი, აბსტრაქცია, ფიგურატიული კომპოზიცია და სხვადასხვა ტექნიკაში: ზეთი, გუში, აკვარელი, პასტელი. აქვს მოწყობილი არაერთი პერსონალური და ჯგუფური გამოფენა როგორც საქართველოში, ისე მის ფარგლებს გარეთ: სოროპტიმისტ მხატვარ ქალთა საერთაშორისო გამოფენა სენ ჟორჟის მუზეუმი (ქ. ლიეჟი, ბელგია, გამოქვეყნდა შესაბამისი კატალოგი; 2013 წ.) ხელოვნების საერთაშორისო ვორქშოპი, გიუზელბახჩე, თურქეთი, გამოფენა მოეწყო კულტურის ცენტრში და დაიბეჭდა შესაბამისი კატალოგი; საერთაშორისო საკონკურსო გამოფენა “ხელოვნების ინოვაცია”, მანხეტენის (ნიუ-იორკი,”West Park Art Gallery”ში, კატეგორია რეალიზმი, პირველი ადგილი და ოქროს მედალი, გამოიცა კატალოგი; მისი ნამუშევრები დაცულია ქართული სახვითი ხელოვნების მუზეუმის კოლექციაში.