ნინიკო მორბედაძის გამოფენა

ნინიკო მორბედაძის  გამოფენა მხატვრის შუა-კარიერულ  მიმოხილვას  წარმოადგენს  და  მოიცავს 100-ზე  მეტ  ნამუშევარს 1989 წლიდან დღემდე. გამოფენას  წარმოგიდგენთ თანამედროვე  ხელოვნების  გალერეა სიეიჩ64. კურატორი: გალერეის თანადამფუძნებელი და დირექტორი, სალომე პაპაშვილი.

ნინო მორბედაძემ თბილისის სახელმწიფო სამხატვრო აკადემია გრაფიკოსის სპეციალობით დაამთავრა. 2020 წელს, მხატვრის დებიუტი საერთაშორისო აუქციონზე შედგა.  ლონდონში, „ფილიპსის“ აუქციონზე, გაიყიდა მისი ტილო „დროის ფარგლებს გარეთ“. ის  2021 წელსაც, წარმატებით მონაწილეობდა „ფილიპსის“ აუქციონში („XX საუკუნისა და თანამედროვე ხელოვნება“)    გაიყიდა მისი სურათი „ზღაპარი“. თავისი კარიერის განმავლობაში ნინო მორბედაძე აქტიურად მუშაობდა კინომხატვრად რეჟისორებთან   მიხეილ კობახიძესთან, ბესარიონ გიორგობიანთან, ნოდარ მანაგაძესა და გიგა აგლაძესთან. მან იმუშავა ფილმზე „სხვა მე“, რომლის აღმასრულებელი პროდიუსერი დევიდ ლინჩი იყო.

ნინო მორბედაძის ათი ტილო ნიუ-ჯერსის (აშშ) ზიმერლის ხელოვნების მუზეუმში, ნორტონ და ნენსი დოჯების კოლექციაშია დაცული. მისი ნამუშევრები იფინება, იყიდება, ინახება საქართველოს, ევროპისა და აშშ-ის კერძო კოლექციებში.