YTA კავშირი
YTA კავშირი

Start/Pause
ორგანიზაცია და ხელმძღვანელობა
”ვალერიან გუნიას სახელობის თეატრალურ ხელოვანთა ახალგაზრდული კავშირი” (YTA UNION) არის არასამთავრობო, არაკომერციული ორგანიზაცია. დაარსდა 1998 წელს თბილისის სახელმწიფო სამხატვრო აკადემიისა და შოთა რუსთაველის სახელმწიფო თეატრალური უნივერსიტეტის პროფესორ-მასწავლებელთა და სტუდენტთა მიერ. ”ვალერიან გუნიას სახელობის თეატრალურ ხელოვანთა ახალგაზრდული კავშირი” (YTA UNION) აერთიანებს სხვადასხვა პროფესიის ადამიანებს: მხატვრებს, მსახიობებს, რეჟისორებს, თეატრმცოდნეებს, ხელოვნებათმცოდნეებს, კურატორებს.
დაფუძნების თარიღი: 07.10.1998
პარტნიორი ბანკი: ”საქართველოს ბანკი”
აღმასრულებელი დირექტორი - ნინო გუნია-კუზნეცოვა / სცენოგრაფი, კურატორი, EC კულტურის პოლიტიკის ექსპერტი

სტრატეგია, პრიორიტეტული მიმართულებები
”ვალერიან გუნიას სახელობის თეატრალურ ხელოვანთა ახალგაზრდული კავშირი” (YTA UNION) მიმართულია თეატრალური და ვიზუალური ხელოვნების დარგში საქმიანობასა და კვლევაზე; წარმოადგენს ამ დარგების მიღწევებს, ხელს უწყობს ქართული კულტურის განვითარებასა და წარმოჩენას.
”ვალერიან გუნიას სახელობის თეატრალურ ხელოვანთა ახალგაზრდული კავშირი” (YTA UNION), როგორც მხატვრებისა და ორგანიზატორების ქსელი, თეატრალური და ვიზუალური ხელოვნების დარგებში წარმოაჩენს და ანვითარებს ცოდნას, ისევე როგორც ამ სფეროში მომუშავე ხელოვანთა და ორგანიზატორთა შესაძლებლობებს
კავშირის საქმიანობის სფეროები
შემოქმედებითი საქმიანობა - საგამოფენო-საკურატორო საქმიანობა და თეატრალური პროექტები. საგანმანათლებლო საქმიანობა - სამეცნიერო და სოციალური საგანმანათლებლო საქმიანობა, ახალი მეთოდოლოგიებისა და მიდგომების შემუშავება, ხელოვნების ექსპერტთა ნაშრომების პუბლიკაცია, სემინარების, ლექციებისა და კოლოქვიუმების განხორციელება. საქართველოში კულტურის პოლიტიკისა და ინტერკულტურული დიალოგის კვლევა - კონფერენციები, პუბლიკაციები, კვლევითი და საგანმანათლებლო შეხვედრები, კულტურის პოლიტიკის ექსპერტიზა, სტრატეგიული კვლევები. კავშირის მიზნები
თეატრალური და სახვითი ხელოვნებისგანვითარება. შემოქმედებითი საქმიანობის მხარდაჭერა და ახალგაზრდა ხელოვანთა თვითგამოხატვისა და შემოქმედებითი ძიებების წარმოჩენა; ახალგაზრდა შემოქმედთა მხატვრული ძიებების მაქსიმალური ხელშეწყობა. ახალგაზრდა თეატრალურ ხელოვანთა და კრიტიკოსთა შემოქმედებითი, პროფესიული და სოციალური ინტერესების დაცვა. კულტურის პოლიტიკის განვითარება. კავშირის ამოცანები
შემოქმედებითი საქმიანობა, საქართველოში კულტურის პოლიტიკისა და ინტერკულტურული დიალოგის კვლევა:
ახალიშემოქმედებითი იდეების სტიმულირება თეატრალური ხელოვნების ყველა დარგში. მსოფლიო თეატრალურ პროცესებში ახალგაზრდა ქართველ შემოქმედთა აქტიური ჩართვა და მათი პროპაგანდა. ახალგაზრდა სცენოგრაფთა კავშირის ჩამოყალიბება და მათი პროფესიული ინტერესების დაცვა. თეატრალური ხელოვნების სფეროში სამეცნიერო-კვლევითი და საგანმანათლებლო მუშაობა. ახალი მეთოდოლოგიების შემუშავება (მათ შორის კულტურის პოლიტიკის სფეროში). კულტურის სფეროში მოღვაწე NGO-ების ურთიერთთანამშრომლობის გაღრმავების ხელშეწყობა, კოალიციური თანამშრომლობა კულტურის პოლიტიკის სფეროში. (კულტურის პოლიტიკის პრობლემათა სტრუქტურირების, კვლევასა და სტრატეგიის შემუშავებაზე ორიენტირებული პროექტები).
პროექტები
2009
ოქტომბერი - YTA UNION-ის დელეგაციის მონაწლეობა სცენოგრაფიის კურატორთა საერთაშორისო სიმპოზიუმში, ამსტერდამი, ჰოლანდია (დამფინანსებელი: კულტურის, ძეგლთა დაცვისა და სპორტის სამინისტრო). მაისი - ''Compendium author Meeting”. YTA UNION-ის აღმასრულებელი დირექტორის მონაწილეობა ევროპის კულტურის პოლიტიკის ავტორთა საერთაშორისო შეხვედრაში, მადრიდი, ესპანეთი. www.culturalpolicies.net. თებერვალი-მარტი - YTA UNION-ის აღმასრულებელი დირექტორის მონაწილეობა საქართველოს კულტურის პოლიტიკის (ვიზუალური ხელოვნება, სახელოვნებო განათლება და სამუზეუმო პოლიტიკა) კვლევებში ფოკუს-ჯგუფის მეთოდით, თავისუფალი აზრის სახლი,თბილისი, საქართველო www.freeopshouse.org 2008
დეკემბერი - YTA UNION-ის დელეგაციის მონაწლეობა ევროპის კულტურის პოლიტიკის ავტორთა საერთაშორისო საიუბილეო მე-10 შეხვედრაში ''Compendium of Cultural Policies and Trends in Europe'', ბაქო, აზერბაიჯანი. ნოემბერი - ”ქართული სცენოგრაფიის საგანძური-გიორგი გუნიას საიუბილეო გამოფენა” (თბილისის ისტორიის მუზეუმი -გალერეა ”ქარვასლა”). პარტნიორები: თეატრის, კინოს, მუსიკისა და ქორეოგრაფიის სახელმწიფო მუზეუმი, საქართველოს ეროვნული მუზეუმი, თბილისის ისტორიის მუზეუმი-ქარვასლა, საქართველო. დამფინანსებელი: კულტურის, ძეგლთა დაცვისა და სპორტის სამინისტრო. 2007
ივნისი - ქართული ნაციონალური სკოლა პრაღის საერთაშორისო კვადრიენალეზე, PQ07,, ექსპოზიციის თემა: ''აუდიტორია #15 - მუდამ ზღვარზე'', ჩეხეთი, პრაღის ინდუსტრიალური სასახლე. პარტნიორი: შოთა რუსთაველის თეატრისა და კინოს სახელმწიფო უნივერსიტეტი, დამფინანსებელი კულტურის, ძეგლთა დაცვისა და სპორტის სამინისტრო, პროგრამა ”ქართული საზონები”. 2007-2006
პროექტი ”Let`s hold hand in hand”, პარტნიორები TUTU-Azerbaijan and TUTU-Afganistan. ქსელური პროგრამა ამიერკავკასიისა და აზიის ქვეყნებისათვის, დამფინანსებელი `ფონდი ღია საზოგადოება- აზერბაიჯანი.” 2006-2005
”კულტურის ობსერვატორიის კავკასიური ქსელი” - ქსელური პროგრამა ამიერკავკასიის ქვეყნებისათვის, დამფინანსებელი ბუდაპეშტის ღია საზოგადოების ინსტიტუტი. 2005
მაისი - YTA UNION-ის აღმასრულებელი დირექტორის მონაწილეობა ევროპის კულტურის პოლიტიკის ავტორთა საერთაშორისო შეხვედრაში , ამსტერდამი. ''IV Compendium author Meeting ”Cultural Policies in Europe” www.culturalpolicies.net (დამფინანსებელი: EC). 2004
ოქტომბერი - YTA UNION-ის აღმასრულებელი დირექტორის მონაწილეობა საერთაშორისო პროგრამაში ''Compendium of Cultural Policies and Trends in Europe”, დუშანბე, ტაჯიკეთი. (დამფინანსებელი: Arts and Culture Network Program of OSI). www.culturalpolicies.net ფონდ ”ჰორიზონტთან” თანამშრომლობით ”ქალაქ ახალციხის სოციალურ-ეკონომიკური განვითარების კონცეფციის “ შექმნა; კულტურის პოლიტიკის სფეროს ექსპერტიზა. ”თბილისის განვითარების სტრატეგიული გეგმისათვის კულტურისა და ტურიზმის პოლიტიკის კონცეფციის შექმნა” კულტურის გადარჩენის ფონდთან თანამშრომლობით. დამფინანსებელი ქალაქ თბილისის მერია. 2004-2003
''კულტურის ობსერვატორია” (კულტურის პოლიტიკის მუნიციპალური მართვის ცენტრი) - მუნიციპალიტეტის, ბიზნეს და არასამთავრობო სექტორების თანამშრომლობის თანამედროვე ფორმა კულტურის პოლიტიკის სფეროში. YTA UNION-ისა და კულტურის გადარჩენის ფონდის ერთობლივი პროექტის. დამფინანსებელი: თბილისის მერია. 2003
გამოფენა ”თანამედროვე ქართული სცენოგრაფია”, საქართველოს ეროვნული მუზეუმი - თბილისის ისტორიის მუზეუმი ”ქარვასლა”, საქართველო. 2002
ხელოვნების სფეროში მომუშავე NGO-თა კოალიციის - ”კულტურის ფრონტი” დაფუძნება. 2002-2001
პროექტი ”დამწყებ შოუ, არტ და სარეკლამო ბიზნეს სტრუქტურებისათვის საგანმანათლებლო ბაზის შექმნა”. დამფინანსებელი: ფონდი ”ჰორიზონტი” . კოპროდიუსერები: შპს ”ქართული ხმები”, საზოგადოებროვი კავშირი” ახალი მოძრაობა”. 2001
საშობაო გამოფენა და კოსტუმირებული შოუ, ”ახალი მოძრაობის” ოფისი. თბილისი, საქართველო. კონფერენცია ”კულტურის პოლიტიკა- პრიორიტეტები და სტრატეგია,” თბილისი, ”ახალი მოძრაობის” ოფისი. საქართველო. ოქტომბერი - ახალგაზრდა სცენოგრაფთა გამოფენა მიძღვნილი გიორგი გუნიას ხსოვნას, გალერეა ”TMS”. თბილისი, საქართველო. იანვარი –ახალგაზრდა სცენოგრაფთა გამოფენა და კოსტუმირებული შოუ, ეროვნულ ბიბლიოთეკა, YTA UNION-ის და შოთა რუსთაველის სახ. თეატრისა და კინოს სახელმწიფო ინსტიტუტის ერთობლივი პროექტი. თბილისი, საქართველო.
2006
ILIAZD #2 არაპერიოდული ალმანახი. ერთობლივი პროექტი ხელოვნების ინტერდისციპლინარული კვლევის ლაბორატორიასთან ერთად. თბილისი, საქართველო. 2004
''თბილისის კულტურისა და ტურიზმის პოლიტიკის კონცეფცია”, თბილისი, კულტურის გადარჩენის ფონდთან ერთობლივი პროექტი. 2001
კონფერენციის ”კულტურის პოლიტიკა-პრიორიტეტები და სტრატეგია” -მოხსენებათა კრებული, თბილისი, საქართველო. მიმდინარე საქმიანობა
საქართველოსა და კავკასიაში განსხვავებულ კულტურულ ჯგუფებთან პრაქტიკული და ანალიტიკური საქმიანობის განვითარება, მათი ინტერკულტურულ დიალოგში ჩართვის მიზნით. ურბანული პოლიტიკის ანალიზი. სამი სამხრეთ კავკასიური სახელმწიფოს კულტურის პოლიტიკის შედარებითი ანალიზი. აუცილებელი საინფორმაციო ბაზის შექმნა თანამედროვე კულტურულ პროცესში ჩართული ახალი სტრუქტურების განსავითარებლად.
საკონტაქტო ინფორმაცია
გალაქტიონის ქ. #24, 0105, თბილისი, საქართველო
+995 32 98 33 90
ninogunia@yahoo.com
info@ytaunion.com
www.ytaunion.com





Search